21.09.2018

OUTREACH

Віктарына Outreach - гэта распрацаваная САДА праграма, якая прымяняецца ў многіх краінах свету. Outreach прадстаўляе сабой комплексную адукацыйную праграму, накіраваную на інфармаванне і аб'яднанне спартыўнай супольнасці ў рамках барацьбы з допінгам. Віктарына распрацавана для ўзаемадзеяння са спартсменамі і іх персаналам (лекарамі, трэнерамі і да т.п.), а таксама з гледачамі спартыўных мерапрыемстваў.

Нацыянальнае антыдопінгавае агенцтва (НАДА) інтэгравала Outreach у антыдопінгавую праграму Рэспублікі Беларусь і вядзе цеснае супрацоўніцтва са спартыўнымi федэрацыямі ў правядзенні віктарын Outreach. Буйныя спартыўныя мерапрыемствы заўсёды прадстаўляюць сабой добрыя пляцоўкі для правядзення дадатковых забаўляльна-адукацыйных мерапрыемстваў і менавіта таму Outreach - гэта верны спосаб не толькі распаўсюдзіць алімпійскія ідэалы і антыдопінгавыя веды, але і зрабіць правядзенне часу ўдзельнікаў і гледачоў спартыўных мерапрыемстваў больш насычаным і разнастайным.

У ходзе мерапрыемства робіцца акцэнт на асабістае ўзаемадзеянне каардынатараў і ўдзельнікаў Outreach пасродкам гутарак і інтэрактыўных гульняў. У ходзе мерапрыемства ўдзельнікам прапануецца паўдзельнічаць у віктарыне Play True, дзе неабходна правільна адказаць на дзесяць пытанняў, якія датычацца пытанняў антыдопінгавай сферы і барацьбы з допінгам. Удзельнікі, якія адказалі правільна на ўсе пытанні, узнагароджваюцца прызамі, якія маюць непасрэднае дачыненне да Духа спорту і алімпійскім каштоўнасцям.

НАДА гатова супрацоўнічаць з усімі зацікаўленымі арганізатарамі буйных спартыўных мерапрыемстваў і з нацыянальнымі спартыўнымі федэрацыямі ў правядзенні віктарыны Outreach на падыходных пляцоўках і мерапрыемствах. Калі Вы зацікаўлены ў правядзенні Outreach, звяжыцеся з намі па тэлефоне: 8-017-227-11-63 або па электроннай пошце: educational.programs@nada.by