Антыдопінгавы адукацыйны семінар для навучэнцаў і трэнерскага саставу ўстановы адукацыі «Плешчаніцкая дзяржаўная абласная сярэдняя школа-вучылішча алімпійскага рэзерву»
![Антыдопінгавы адукацыйны семінар для навучэнцаў і трэнерскага саставу ўстановы адукацыі «Плешчаніцкая дзяржаўная абласная сярэдняя школа-вучылішча алімпійскага рэзерву» Антыдопінгавы адукацыйны семінар для навучэнцаў і трэнерскага саставу ўстановы адукацыі «Плешчаніцкая дзяржаўная абласная сярэдняя школа-вучылішча алімпійскага рэзерву»](/upload/iblock/a60/mpg9ker5zherht6k3yea0mrrhk8u3kg0.jpg)
15 красавіка 2021 г. адбыўся адукацыйны семінар для навучэнцаў і трэнерскага саставу ўстановы адукацыі «Плешчаніцкая ДАСШ-ВАР» на тэму: «Парушэнні антыдопінгавых правілаў. Санкцыі. Працэдура допінг-кантролю» і гульнявая віктарына «Гуляй сумленна». Перад аўдыторыяй выступіў вядучы спецыяліст аддзела прафілактыкі, адукацыі і міжнароднага супрацоўніцтва Нацыянальнага антыдопінгавага агенцтва Рэспублікі Беларусь, які ў сваім выступе зрабіў акцэнт на абавязковым выкананні антыдопінгавых правілаў спартсменамі і персаналам спартсменаў, растлумачыў асноўныя змены Сусветнага антыдопінгавага кодэкса, якія ўступілі ў сілу з 1 студзеня 2021 года, звярнуў увагу на важныя для спартсменаў моманты пры праходжанні працэдуры допінг-кантролю і адказаў на пытанні ўдзельнікаў семінара. Гульнявая віктарына «Гуляй сумленна» дазволіла дзецям замацаваць атрыманыя веды па антыдопінгавай адукацыі і атрымаць памятныя прызы за актыўны ўдзел.